Azərbaycanda dəmir yolu nəqliyyatında müəyyən edilməmiş yerlərdə siqaret çəkilməsinə görə cərimələr artırılır

Bakı. 11 dekabr. REPORT.AZ/ Azərbaycanda dəmir yolu nəqliyyatında müəyyən edilməmiş yerlərdə siqaret çəkilməsinə görə cərimələr artırılır. "Report" xəbər verir ki, belə qanun pozuntusuna görə cərimələrin artırılması yeni hazırlanan İnzibati Xətalar Məcəlləsində nəzərdə tutulub.

Yeni məcəllənin 305-ci maddəsinə əsasən, dəmir yolu nəqliyyatında müəyyən edilməmiş yerlərdə siqaret çəkilməsinə görə - 40 manat məbləğində cərimə ediləcək.

Xatırladaq ki, hazırda qüvvədə olan İnzibati Xətalar Məcəlləsinə əsasən belə qanun pozuntusu törədən şəxslərə xəbərdarlıq edilir və ya beş manatdan on beş manatadək miqdarda cərimə edilirdi.