Dayanacaqlarda, kassalarda, bankomatlarda növbədə dayanarkən maska taxmaq tələbi ləğv edilir

Azərbaycanda mayın 31-dən ictimai nəqliyyat dayanacaqlarında, bilet kassalarının, bankomatların (ATM) və ödəniş terminallarının, ticarət, iş və xidmət obyektlərinin qarşısında növbədə dayanarkən tənəffüs yollarını qoruyan fərdi vasitələrdən (tibbi maska, parça maska, respirator və sair) istifadə ləğv edilir.

"Report"un xəbərinə görə, bu barədə Nazirlər Kabinetinin qərarında bildirilib.