BQXK rəsmisi: İtkin düşmüş şəxslərin taleyinin aydınlaşdırılması dövlət öhdəliyidir

İtkin düşmüş şəxslərin taleyinin aydınlaşdırılması dövlət öhdəliyidir.

"Report" xəbər verir ki, bunu Beynəlxalq Qırmızı Xaç Komitəsinin (BQXK) Azərbaycan nümayəndəliyinin ictimaiyyətlə əlaqələr şöbəsinin rəhbəri İlahə Hüseynova jurnalistlər üçün keçirilən brifinqdə deyib.

Onun sözlərinə görə, təmsil etdiyi komitənin fəaliyyəti ehtiyacların qiymətləndirilməsindən asılıdır:

"Dövlətə dəstək verən qurumuq və fəaliyyətimiz ehtiyacların qiymətləndirilməsindən asılıdır. Biz heç vaxt tək iş görmürük. Məqsədimiz yerli mütəxəssislərin bu sahədə iş bacarığını artırmaqdır. Yerlərdə mütəxəssislər yetişdirməyə çalışırıq".