​Birinci xanımın adından AİB-in 48-ci illik toplantısı iştirakçılarının xanımlarına ziyafət verilib

Bakı. 5 may. REPORT.AZ/ Mayın 4-də Azərbaycanın birinci xanımı Mehriban Əliyevanın adından Bakıda keçirilən Asiya İnkişaf Bankının Rəhbərlər Şurasının 48-ci illik toplantısı iştirakçılarının xanımlarının şərəfinə ziyafət verilib.

"Report" xəbər verir ki, ziyafətdə Asiya İnkişaf Bankının Rəhbərlər Şurasının 48-ci illik toplantısına qatılan yüksək səviyyəli qonaqların xanımları iştirak ediblər.

Qeyd edək ki, mayın 2-də Bakıda Asiya İnkişaf Bankının (AİB) Rəhbərlər Şurasının 48-ci illik toplantısı öz işinə başlayıb. Toplantı mayın 5-dək davam edəcək.