Yuxarı
    Bağlamaq

    Baş Prokurorluqda Avropa Komissiyası ilə birgə tədbir keçirilib

    Baş İdarənin Təşkilati və informasiya təminatı idarəsinin rəisi çıxış edib

    Bakı. 24 may. REPORT.AZ/ Azərbaycanın Baş prokuroru yanında Korrupsiyaya qarşı Mübarizə Baş İdarəsinin və Avropa Komissiyasının birgə təşkilatçılığı ilə Avropa Komissiyasının TAİEX texniki yardım aləti çərçivəsində “Korrupsiya xarakterli cinayətlərdə istintaq sazişinin tətbiqi” mövzusunda təlim keçirilib.

    Bu barədə “Report”a Baş Prokurorluğun mətbuat xidmətindən bildirilib.

    Baş Prokurorluğun, Hərbi Prokurorluğun, birinci və Apellyasiya instansiyaları məhkəmələrinin nümayəndələrinin iştirak etdiyi tədbirdə Baş prokuror yanında Korrupsiyaya qarşı Mübarizə Baş İdarəsinin Təşkilati və informasiya təminatı idarəsinin rəisi Heydər Məmmədov çıxış edərək korrupsiyaya qarşı mübarizənin Azərbaycanda dövlət siyasətinin prioritet istiqaməti olmasını vurğulayaraq bu mübarizənin möhkəm siyasi iradəyə əsaslandığını xüsusi qeyd edib, bu sahədə beynəlxalq əməkdaşlığın və təcrübə mübadiləsinin böyük əhəmiyyət kəsb etdiyini bildirib.

    Tədbirdə İtaliya, Böyük Britaniya və Rumıniyadan olan ekspertlər istintaq sazişinin müxtəlif hüquq sistemlərində tətbiqi xüsusiyyətləri, saziş çərçivəsində zərərçəkmişlərin hüquqlarının qorunması, eləcə də bu institutun tətbiqi ilə əlaqədar mövcud olan məhdudiyyətlər barədə təqdimatlarla çıxış edərək, iştirakçıları maraqlandıran çoxsaylı sualları cavablandırıblar. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi