Bakı. 22 sentyabr. REPORT.AZ/ Sentyabrın 26-da Azərbaycan Respublikasının Konstitusiyasına təklif olunan əlavə və dəyişikliklərlə bağlı keçiriləcək ümumxalq səsverməsində (referendumda) müşahidə üçün veb-kamera quraşdırılan seçki məntəqələrinin siyahısı açıqlanıb.
"Report"un məlumatına görə, Ermənistan tərəfindən işğal edilmiş rayonları əhatə edən 6 seçki dairəsinə aid məntəqələrdə veb-kameralar quraşdırılmayacaq. Bunlar 120 saylı Cəbrayıl-Qubadlı, 121 saylı Laçın, 122 saylı Xankəndi, 123 saylı Kəlbəcər, 124 saylı Şuşa-Ağdam-Xocalı-Xocavənd və 125 saylı Zəngilan-Qubadlı Seçki Dairələridir.