Yuxarı

Azərbaycanda məhkəmə sədrləri müavinlərinin səlahiyyətləri artırılıb

Bundan sonra onlar məhkəmə iclaslarına sədrlik edə biləcəklər

Bakı. 25 fevral. REPORT.AZ/ Azərbaycanda rayon (şəhər) məhkəmə sədrlərinin müavinlərinin səlahiyyətləri artırılıb. "Report" xəbər verir ki, bununla bağlı "Məhkəmələr və hakimlər haqqında" qanuna dəyişikliklər edilib.

Qanuna əlavə edilən yeni maddəyə görə, rayon (şəhər) məhkəməsi sədrinin müavini məhkəmə iclaslarına sədrlik edir, rayon (şəhər) məhkəməsinin sədri tərəfindən müəyyən edilmiş məsələləri həll edir, sədrin tapşırığı ilə onun ayrı-ayrı səlahiyyətlərini həyata keçirir, sədr olmadıqda və ya öz vəzifələrini yerinə yetirə bilmədiyi müddətdə onu əvəz edir.

Bundan başqa, hərbi məhkəmə sədrinin müavini məhkəmə iclaslarına sədrlik edir, hərbi məhkəmənin sədri tərəfindən müəyyən edilmiş məsələləri həll edir, sədrin tapşırığı ilə onun ayrı-ayrı səlahiyyətlərini həyata keçirir, sədr olmadıqda və ya öz vəzifələrini yerinə yetirə bilmədiyi müddətdə onu əvəz edir.

Həmçinin, inzibati-iqtisadi məhkəmə sədrinin müavini məhkəmə iclaslarına sədrlik edir, inzibati-iqtisadi məhkəmənin sədri tərəfindən müəyyən edilmiş məsələləri həll edir, sədrin tapşırığı ilə onun ayrı-ayrı səlahiyyətlərini həyata keçirir, sədr olmadıqda və ya öz vəzifələrini yerinə yetirə bilmədiyi müddətdə onu əvəz edir.

Qeyd edək ki, mövcud dəyişikliklər səsverməyə qoyularaq qəbul edilib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi