Azərbaycanda magistr və doktorantlara hərbi xidmətdən möhlət hüququ veriləcək

Azərbaycanda magistr və doktorantlara hərbi xidmətdən möhlət hüququ veriləcək Prezident İlham Əliyevin təşəbbüsü ilə Milli Məclisə yeni qanun layihəsi daxil olub
Daxili siyasət
251
3 İyun , 2016 12:40
Azərbaycanda magistr və doktorantlara hərbi xidmətdən möhlət hüququ veriləcək

Bakı. 3 iyun. REPORT.AZ/ Azərbaycan Prezidenti İlham Əliyevin təşəbbüsü ilə Milli Məclisə yeni qanun layihəsi daxil olub.

Bu barədə “Report”a Milli Məclisin Müdafiə, təhlükəsizlik və korrupsiya ilə mübarizə komitəsinin üzvü, deputat Zahid Oruc məlumat verib.

Onun sözlərinə görə, təhsildə fasiləsizliyi təmin etmək və ixtisaslı kadrların hazırlanmasına nail olmaq məqsədilə “Hərbi xidmət və hərbi vəzifə haqqında” qanuna dəyişiklik təklif olunur: “Qüvvədə olan qanunvericilik aktının 21.1.4-cü maddəsində təkcə bakalavr təhsili alanlar deyil, eləcə də bundan sonra magistr və doktorantlara hərbi xidmətdən möhlət hüququnun verilməsi nəzərdə tutulur. Bundan başqa, xarici ölkələrdə əyani təhsilalma formasında təhsil alanlara ali təhsil pilləsində (bakalavriat), tibb təhsili üçün ali baza tibb təhsili və rezidenturada (internaturada) təhsil alanlara müvafiq təhsilini bitirənədək hərbi xidmətdən möhlət hüququ veriləcək”.

Son xəbərlər

Orphus sistemi