Yuxarı
    Bağlamaq

    Azərbaycanda liftləri zibilləyənlərə qarşı cəzalar sərtləşdirilir

    Cəzanın sərtləşdirilməsi yeni İnzibati Xətalar Məcəlləsində nəzərdə tutulub

    Bakı. 10 dekabr. REPORT.AZ/ Azərbaycanda yaşayış sahələrindən istifadə qaydalarının pozulmasına görə cəzalar sərtləşdirilir. “Report”un xəbərinə görə, cəzanın sərtləşdiriliməsi yeni İnzibati Xətalar Məcəlləsində (İXM) nəzərdə tutulub.

    Belə ki, hazırkı İXM-ə əsasən, yaşayış sahələrindən istifadə, ümumi istifadə yerlərinin, pilləkən meydançalarının, liftlərin, evlərin girişlərinin, evyanı ərazilərin təmiz saxlanması qaydalarının pozulmasına görə fiziki şəxslərə xəbərdarlıq edilir və ya onlar üç manatdan beş manatadək miqdarda cərimə edilir, vəzifəli şəxslərə xəbərdarlıq edilir və ya onlar əlli manatdan altmış manatadək miqdarda cərimə edilir.

    Yeni İXM-lə yaşayış sahələrindən istifadə, ümumi istifadə yerlərinin, pilləkən meydançalarının, liftlərin, evlərin girişlərinin, evyanı ərazilərin təmiz saxlanması qaydalarının pozulmasına görə fiziki şəxslərə xəbərdarlıq edilir və ya onlar on manatdan iyirmi manatadək miqdarda cərimə edilir, vəzifəli şəxslərə xəbərdarlıq edilir və ya onlar yüz manatdan yüz əlli manatadək miqdarda cərimə ediləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi