Azərbaycanda inzibati vəzifələrin ali təsnifatında dəyişiklik edilir

Azərbaycanda inzibati vəzifələrin ali təsnifatında dəyişiklik edilir Təsnifatdan Azərbaycan Respublikasının Dövlət müşavirləri və Prezident Administrasiya rəhbərinin müavini vəzifəsi çıxarılır
Daxili siyasət
242
24 Oktyabr , 2017 12:12
Azərbaycanda inzibati vəzifələrin ali təsnifatında dəyişiklik edilir

Bakı. 24 oktyabr. REPORT.AZ/ Azərbaycanda “Dövlət qulluğu haqqında” qanuna dəyişiklik təklif olunur.

“Report”un xəbərinə görə, dəyişiklik qanunun 11ci (İnzibati və yardımçı vəzifələrin təsnifatı) maddəsində edilir.

Hazırki təsinaftda Azərbaycan Respublikası Prezidentinin Administrasiya rəhbərinin vəzifəsi, Azərbaycan Respublikası Prezidentinin Administrasiyasında Azərbaycan Respublikasının Birinci vitse-prezidentinin fəaliyyətini təmin edən struktur bölmənin rəhbərinin vəzifəsi, Azərbaycan Respublikası Milli Məclisinin Aparat rəhbərinin vəzifəsi, Azərbaycan Respublikası Konstitusiya Məhkəməsinin Aparat rəhbərinin vəzifəsi, Azərbaycan dövlətinin başçısının icra səlahiyyətlərini həyata keçirən orqanın Aparat rəhbərinin vəzifəsi, Azərbaycan dövlətinin başçısının fəaliyyətini bilavasitə təmin edən digər orqanların rəhbərlərinin vəzifəsi, Azərbaycan Respublikasının Ali Məhkəməsinin Aparat rəhbərinin vəzifəsi əksini tapıb.

Dəyişikliklə isə təsnifatdan Azərbaycan Respublikasının Dövlət müşavirləri vəzifəsi çıxarılır.

Maddədən (inzibati vəzifələrin birinci təsnifatı) Azərbaycan Respublikası Prezidentinin Administrasiya rəhbərinin müavini vəzifəsi də çıxarılır.

Layihə Milli Məclisin plenar iclasına tövsiyə olunub.

Son xəbərlər

Orphus sistemi