Yuxarı

​Azərbaycanda 65 yaşlı hakimin səlahiyyət müddəti artırılır

Gülzar Rzayevanın Azərbaycan Respublikası Ali Məhkəməsinin hakimi təyin edilməsi barədə məsələ müzakirə olunacaq

Bakı. 26 dekabr. REPORT.AZ/ Azərbaycanda 65 yaşlı məhkəmə hakiminin səlahiyyət müddəti artırılır. Bu barədə “Report”a Milli Məclisdən bildirilib.

Belə ki, dekabrın 30-da parlamentdə Gülzar Rzayevanın Azərbaycan Respublikası Ali Məhkəməsinin hakimi təyin edilməsi barədə məsələ müzakirə olunacaq.

Qeyd edək ki, G.Rzayeva 2010-cu ilin avqust ayının 28-dən Ali Məhkəmənin hakimi işləyir. 1950-ci il təvəllüdlü G .Rzayevanın gələn il yanvarın 13-də 65 yaşı tamam olur. "Məhkəmələr və hakimlər haqqında" qanuna əsasən 65 hakimlər üçün son yaş həddidir. Son yaş həddinə çatmış hakimin peşəkarlığından istifadə edilməsinə ehtiyac olduqda, Məhkəmə-Hüquq Şurasının təklifi ilə onun səlahiyyət müddəti 70 yaşınadək artırıla bilər.

Qiymətləndirmə nəticəsində hakimin fəaliyyətində peşəkar çatışmazlıq aşkar edilərsə onun səlahiyyətləri uzadılmır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi