Yuxarı

Azərbaycanda daxili işlər nazirinin birinci müavini postu yaradılıb

Prezident İlham Əliyev fərman imzalayıb

Bakı. 11 mart. REPORT.AZ/ Prezident İlham Əliyev “Azərbaycan Respublikası Daxili İşlər Nazirliyinin Əsasnaməsinin və strukturunun təsdiq edilməsi haqqında” Azərbaycan Respublikası Prezidentinin 2001-ci il 30 iyun tarixli 518 nömrəli fərmanında dəyişikliklər edilməsi barədə fərman imzalayıb. “Report” xəbər verir ki, sənədə əsasən, Azərbaycanda daxili işlər nazirinin birinci müavini postu yaradılıb.

Daxili işlər nazirinin birinci müavini nazirin təqdimatına əsasən, Azərbaycan Respublikasının Prezidenti tərəfindən vəzifəyə təyin olunacaq və vəzifədən azad ediləcək.

Daxili işlər naziri öz səlahiyyətlərinin həyata keçirilməsini nazirin birinci müavininə, o, olmadıqda nazir müavinlərindən birinə tapşıra bilər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi