Ali Baş Komandanın tapşırıqları Azərbaycan Ordusunun rəhbər heyətinə çatdırılıb

Ali Baş Komandanın tapşırıqları Azərbaycan Ordusunun rəhbər heyətinə çatdırılıb Bakı. 10 fevral. REPORT.AZ/ Bu gün müdafiə naziri, general-polkovnik Zakir Həsənovun rəhbərliyi ilə xidməti müşavirə keçirilib.
Daxili siyasət
10 Fevral , 2018 15:04
Ali Baş Komandanın tapşırıqları Azərbaycan Ordusunun rəhbər heyətinə çatdırılıb

Bakı. 10 fevral. REPORT.AZ/ Bu gün müdafiə naziri, general-polkovnik Zakir Həsənovun rəhbərliyi ilə xidməti müşavirə keçirilib.

"Report" Müdafiə Nazirliyinə istinadən xəbər verir ki, nazir müavinləri, qoşun növləri komandanları, qurumun baş idarə, idarə, xidmət rəisləri, birlik komandirlərinin iştirakı ilə keçirilən müşavirəyə videobağlantı vasitəsilə cəbhə bölgəsində yerləşən birlik və birləşmələrin məsul zabitləri də cəlb olunub.

Prezident, Ali Baş Komandan İlham Əliyevin Yeni Azərbaycan Partiyasının VI qurultayındakı çıxışı, o cümlədən Ermənistan-Azərbaycan münaqişəsi və Azərbaycan Ordusu barədə söylədiyi fikirləri vurğulayan nazir cari ildə qarşıda duran vəzifələri diqqətə çatdırıb.

Ali Baş Komandanın ordu quruculuğunun prioritet məsələ olması, ölkəmizin silahlanması, eləcə də 2016-cı ilin aprel döyüşləri zamanı Azərbaycan Ordusunun şanlı tarixi qələbə əldə etməsi barədə səsləndirdiyi fikirləri xüsusi qeyd edən Z.Həsənov bildirib ki, dövlətimiz və xalqımız tərəfindən Azərbaycan əsgərinə hər zaman yüksək qiymət verilir. Cəbhə xəttində əməliyyat şəraitində yaranmış son vəziyyətin təhlilini aparan nazir qoşunların döyüş tapşırıqlarını yerinə yetirməyə daim hazır vəziyyətdə olması, şəxsi heyətin təhlükəsizliyinin təmin edilməsi, onların döyüş və mənəvi-psixoloji hazırlığının təkmilləşdirilməsi, bilik və bacarıqlarının artırılması, o cümlədən digər istiqamətlərdə komandir və rəis heyəti qarşısında müvafiq tapşırıqlar qoyub.

Son xəbərlər

Orphus sistemi