Yuxarı
    Bağlamaq

    Ziyafət Əsgərov: "Avropa demokratiyasından ədalət tələb edirəm"

    Dinlə
    © Report — Milli Məclis sədrinin birinci müavini Ziyafət Əsgərov

    Bakı. 8 may. REPORT.AZ/ “Ermənistan Azərbaycana qarşı ərazi iddiasını irəli sürür. Dağlıq Qarabağ işğal olunub, ora münaqişəli ərazi deyil. Avropadan olan fiziki və hüquqi şəxslər Dağlıq Qarabağda fəaliyyətlə məşğul olmamalıdırlar”.

    “Report”un xəbərinə görə, bu sözləri Avropa İttifaqı-Azərbaycan Parlament Əməkdaşlıq Komitəsinin XV iclasının ikinci sessiyasında Azərbaycan Respublikasının Xarici İşlər Nazirliyinin (XİN) nümayəndəsi, səfir Kamil Xasıyev deyib.

    Azərbaycan Milli Məclis sədrinin birinci müavini Ziyafət Əsgərov isə bildirib ki, Dağlıq Qarabağ problemi müzakirə edilsə də, nəticəsi olmur: "Beynəlxalq təşkilatların qəbul etdiyi qətnamələr icra olunmur. Əgər bu icra olunmayacaqdısa, niyə qəbul edirdiniz? Ermənistan belə böyük dövlətdir, ona təzyiq edilmir? Çox maraqlıdır, bu cür yanaşmalar müsəlman dövlətlərinədir, amma Gürcüstan və digər ölkələrin ərazi bütövlüyü ilə bağlı bu cür yanaşma olmur. Bu, artıq ikili standartdır. Avropa demokratiyasından ədalət tələb edirəm. Demokratiyadan danışırlar, amma Dağlıq Qarabağ məsələsinə gəldikdə isə susurlar. Onlar məsələni həll etmək istəmirlər. Açıq deyin bilək ki, niyə həll etmirsiniz? Cavab verin. Bu problem 30 il də davam etməlidirmi? Nə qədər gözləməliyik? 50 il? Məsləhət vermək çox asandır, amma reallığı yaşamaq lazımdır”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi