Yuxarı
    Bağlamaq

    Xarici jurnalistlər Cocuq Mərcanlıya səfər edib - FOTO

    Dinlə
    © Report

    Füzuli. 30 may. REPORT.AZ/ İndoneziyadan olan bir qrup jurnalist Cocuq Mərcanlıya səfər edib.

    "Report"un Qarabağ bürosu xəbər verir ki, jurnalistlər səfər çərçivəsində Cocuq Mərcanlıdan olan və orada yaşayan məcburi köçkünlərlə  görüşüblər. 

    Xarici jurnalistlərə məlumat verilib ki, 1993-cü ildə Ermənistan silahlı qüvvələrinin bölmələri tərəfindən Cocuq Mərcanlı kəndi işğal edilmişdi. 1994-cü ildə Azərbaycan Ordusu tərəfindən həyata keçirilən "Horadiz" əməliyyatı zamanı kənd işğaldan azad edilib. Lakin kəndin ətrafında yerləşən əsas yüksəkliklər Ermənistan tərəfinin nəzarətində olduğu üçün və mütəmadi olaraq atəşə məruz qaldığı üçün kənd sakinləri evlərini tərk etmişdilər. 

    2016-cı ildə aprel döyüşlərindən sonra ərazidə əsas yüksəklik olan Lələtəpə Azərbaycan Ordusunun nəzarətinə keçdikdən sonra ermənilər ərazidən tamamilə çıxarılıb. Daha sonra Prezident İlham Əliyevin sərəncam və tapşırıqlarına əsasən, kənd yenidən bərpa edilib. Aparılan tikinti və yenidənqurma işləri artıq yekunlaşıb və kəndin sakinləri 25 ildən sonra  öz doğma kəndlərinə qayıdıblar. 

    İndoneziyalı jurnalistlər Cocuq Mərcanli Kənd orta məktəbində müəllim və şagirdlərlə görüşdükdən sonra kəndin yeni tikilən məscidində olub və namaz qılıblar.

    Xarici jurnalistlər təmas xəttinə səfər edərək ön xətdə yerləşən hərbi hissəyə baş çəkib və buradakı şəraitlə yaxından tanış olublar.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi