Yuxarı
    Bağlamaq

    Türkiyə səfiri: "Biz mülkü şəxslərə necə təcavüz olunduğunu gördük"

    Bu işğal vəziyyətinə son qoyulmalıdır

    Tərtər. 6 may. REPORT.AZ/ Bu gün cəbhə xəttində azərbaycanlı qardaşlarımıza dəstək ifadə edirik. Aprelin əvvəlində döyüşlər zamanı şəhid olan qardaşlarımıza Allahdan rəhmət, yaralılara isə şəfa diləyirəm. 

    "Report" xəbər verir ki, bunu Azərbaycanda akkreditə olunan diplomatik korpusun nümayəndələri ilə birgə cəbhə xəttinə səfər edən Türkiyənin fövqəladə və səlahiyyətli səfiri İsmail Alper Coşkun jurnalistlərə bildirib.

    O qeyd edib ki, Azərbaycan Xarici İşlər Nazirliyi tərəfindən təşkil olunan səfər məqsədəuyğundur: "Biz mülki şəxslər və diplomatlar olaraq burada nələrin baş verdiyini anlamağa çalışırıq. Burada gördüklərimiz isə çox təsirlidir, insanı dərindən yaralıya biləcək vəziyyətdədir. Bu yerlərdə silah səsləri olmasa təkcə eşidilən quş səsləridir. Bu torpaqlar yam-yaşıl və bərəkətli torpaqlardır. Burada yaşayanlar bütün insanlar kimi sülh və əminamanlıq şəraitində yaşamalıdırlar. Amma biz bu gün burada mülki şəxslərə necə təcavüz olduğunu gördük. Mərmi düşdüyü üçün evlərini tərk etməyə məcbur olan sakinlərlə görüşdük və bu təcavüzləri bir daha onların dilindən eşitdik. Bu işğal vəziyyətinə son qoyulmalıdır. Azərbycan torpaqları ən qısa zamanda ərazi bütövlüyü çərçivəsində geri qaytarılmalıdır", - deyə səfir qeyd edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi