Yuxarı
    Bağlamaq

    Serbiya televiziyasında Xocalı faciəsi ilə bağlı məlumat yayımlanıb - VİDEO

    Serbiyanın “Studio B” televiziyasında canlı yayımda Xocalı faciəsi ilə bağlı məlumat yayımlanıb

    Bakı. 27 fevral. REPORT.AZ/ Serbiyanın “Studio B” televiziyasında canlı yayımda Xocalı faciəsi ilə bağlı məlumat yayımlanıb.

    Azərbaycanın Serbiyadakı Mədəniyyət Mərkəzindən “Report”a verilən məlumata görə, canlı yayımda qeyd edilib ki, 1992-ci il fevralın 25-dən 26-na keçən gecə erməni silahlı birləşmələri sovet ordusunun 366-cı motoatıcı alayının birbaşa iştirakı ilə Xocalını işğal edib və 613 nəfər dinc əhalini xüsusi qəddarlıqda öldürüblər, 1275 nəfəri isə girov götürüblər.

    Bildirilib ki, Azərbaycan xalqı hər il bir dəqiqəlik sükutla Xocalı qurbanlarının xatirəsini anaraq, Bakı şəhərində ucaldılmış “Ana harayı” abidəsi önünə gül dəstələri düzürlər.

    Verilişdə o da bildirilib ki, Belqrad şəhərində fəaliyyət göstərən Azərbaycan Mədəniyyət Mərkəzi və Serbiya mədəniyyət xadimlərinin işbirliyi nəticəsində Xocalı soyqırımının qurbanlarının xatirəsinə həsr olunmuş videoçarx hazırlanib. Videoçarxda serbiyalı opera ifaçısı Nataşa Yoviç Azərbaycan Mədəniyyət Mərkəzinin direktoru, Novi Sad Universitetinin İncəsənət Akademiyasının professoru Zərifə Əlizadənin müşayiəti ilə fortepianoda Xocalı soyqırımın qurbanlarına həsr olunan “Elegiya” mahnısını ifa edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi