Yuxarı

​Səfir: Fransa hökuməti Dağlıq Qarabağın müstəqilliyini tanımır

Fransa Dağlıq Qarabağda keçirilən seçkilərələ bağlı ATƏT-in Minsk qrupu həmsədrlərinin bəyanatını dəstəkləyir

Bakı. 5 may. REPORT.AZ/ "Fransa hökuməti Dağlıq Qarabağın müstəqilliyini və orada keçirilən "seçkiləri" tanımır". Bunu "Report"a Fransanın Azərbaycandakı səfiri Paskal Mönye deyib.

"Bu "seçkilərlə" bağlı Minsk qrupu bəyanat verib və Fransa bu bəyanatı dəstəkləyir", - səfir deyib.

Mayın 3-də Azərbaycanın işğal olunan Dağlıq Qarabağ ərazisində separatçı rejimin nümayəndələri qondarma "parlament seçkiləri" keçiriblər.

Bununla əlaqədar ATƏT-in Minsk qrupu bəyanat yayıb. Orada qeyd olunur ki, "həmsədr dövlətlərdən heç biri, o cümlədən, başqa heç bir dövlət də Dağlıq Qarabağı müstəqil, suveren dövlət kimi tanımır".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi