Yuxarı
    Bağlamaq

    ​Səfir: "Fransa Azərbaycanın ərazi bütövlüyünü dəstəkləyir"

    İndiki halda ikili standartlar haqqında danışmağa heç bir əsas yoxdur

    Bakı. 19 noyabr. REPORT.AZ/ Fransa Azərbaycanın ərazi bütövlüyünü dəstəkləyir və Dağlıq Qarabağın müstəqilliyini tanımır.

    "Report" xəbər verir ki, bu barədə cümə axşamı Fransanın Azərbaycana yeni təyin olunmuş səfiri Aureliya Buşe jurnalistlərin "Paris meri Qarabağda icma mərkəzlərinin tikintisinə yönələcək vəsait yığımında iştirak edir və Fransa ikili standartlara yol verir" sualına cavab verərkən bildirib.

    Səfir bu təşəbbüs barəsində məlumatsız olduğunu bildirib.

    "Fransanın mövqeyi aydındır. Fransa Azərbaycanın ərazi bütövlüyünü dəstəkləyir və Dağlıq Qarabağın müstəqilliyini tanımır. Hətta Fransa meri bu layihənin reallaşdırılmasında iştirak etsə belə, bu, rəsmi Parisin mövqeyini nümayiş etdirmir", - deyə o qeyd edib.

    "Amma məsuliyyətlə deyə bilərəm ki, Fransa Dağlıq Qarabağ münaqişəsində Azərbaycanı tam olaraq dəstəkləyir. İndiki halda ikili standartlardan danışmağa heç bir əsas yoxdur", - deyə Buşe əlavə edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi