Yuxarı

​Rusiyanın Yerevandakı səfiri: "Münaqişəni yalnız danışıqlar masası arxasında həll etmək olar"

İvan Volnıkin: Fikrimcə, hər iki ölkənin xarici işlər nazirləri Nyu-Yorkda prezidentlərin görüşü məsələsini də müzakirə ediblər

Bakı. 29 sentyabr. REPORT.AZ/ "ATƏT-in Minsk Qrupu yalnız vasitəçidir. Əlbəttə, əsas məsələ iki dövlət arasında danışıqların aparılmasıdır".

"Report" Ermənistan KİV-inə istinadən xəbər verir ki, bunu Rusiyanın Yerevandakı səfiri İvan Volınkin jurnalistlərlə açıqlamasında deyib.

Səfir hesab edir ki, Dağlıq Qarabağ münaqişəsini hərbi yolla həll etmək mümkün deyil: "Onu ancaq danışıqlar masası arxasında və dinc yolla həll etmək olar".

"Bu ilin sonunadək Azərbaycan və Ermənistan prezidentlərinin görüşü olacaqmı" sualına cavabında səfir deyib: "Fikrimcə, Nyu-Yorkda hər iki ölkənin xarici işlər nazirlərinin görüşündə bu məsələ müzakirə edilib. Təəssüf ki, müzakirələrin nəticəsindən xəbərsizəm".

Qeyd edək ki, Azərbaycanın xarici işlər naziri Elmar Məmmədyarov sentyabrın 25-də Nyu-Yorkda erməni həmkarı Edvard Nalbandyanla görüşüb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi