Yuxarı
    Bağlamaq

    ​Rusiyalı politoloq: "Ermənistan Qarabağın "müstəqilliyini" tanısa, bu, Moskvaya qarşı ədəbsizlik olacaq"

    Rusiya münaqişənin mümkün qədər daha çox dəstəklənməsində maraqlıdır

    Bakı. 7 may. REPORT.AZ/ Dağlıq Qarabağın "müstəqilliyi"nin Ermənistan tərəfindən tanınması ehtimalını Rusiyaya qarşı ədəbsizlik kimi qiymətləndirmək olar.

    "Report" xəbər verir ki, bunu "Qordon" nəşrinə açıqlamasında rusiyalı politoloq və publisist Andrey Piontkovski bildirib.

    "Əgər söhbət [Dağlıq Qarabağın "müstəqilliyi"nin] Ermənistan tərəfindən birtərəfli tanınmasından gedirsə – axı başqa heç kim onu tanımağa hazırlaşmır – bu, Ermənistan tərəfindən Moskvaya qarşı ədəbsizlik olacaq", – deyə o qeyd edib.

    Piontkovski bildirib ki, "ermənilər Moskvanın bir çox hərəkətlərindən narazıdırlar, misal üçün, Rusiyanın Azərbaycanı silahla təchiz etməsindən".

    "Və budur, onlar bir az oynadılar, barmaqla hədələdilər. Onlara bunun cavabında acıqlanıldı … Moskva vəziyyəti möhkəm nəzarətdə saxlayır və o, bu münaqişənin mümkün qədər daha çox dəstəklənməsində maraqlıdır", – deyə politoloq diqqətə çatdırıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi