Yuxarı
    Bağlamaq

    Rusiyalı politoloq: "Azərbaycan Lapşin ilə bağlı vəziyyətdə parlaq, ideal siyasi işini göstərib"

    Tanınmış rusiyalı politoloq Sergey Markov bloqqer Aleksandr Lapşinin əfv edilməsini şərh edib
    © Report

    Bakı. 11 sentyabr. REPORT.AZ / Rusiyalı politoloq Sergey Markov Azərbaycan prezidenti İlham Əliyevin bloqqer Aleksandr Lapşinin əfv edilməsi barədə sərəncamını şərh edib.

    "Report" "Moskva-Bakı" portalına istinadən xəbər verir ki, S.Markovun sözlərinə görə, Azərbaycan Lapşin ilə bağlı vəziyyətdə ideal siyasi işini nümayiş edib: "Burada vacib olan odur ki, Lapşin yaxşı adam olduğuna və Azərbaycanın ərazi bütövlüyünü etiraf etdiyinə görə yox, Azərbaycanın öz tərəfdaşlarına, dost ölkələrinə güzəştə getdiyinə görə bu addımı atıb. Azərbaycan Lapşin ilə bağlı vəziyyətdə parlaq, ideal siyasi işini göstərib".

    S.Markov əlavə edib ki, Azərbaycan separatçı Dağlıq Qarabağ rejimi ilə əməkdaşlıq edənlərə dərs vermək qərarına gəlib. Azərbaycanın işğal olunmuş torpaqları ilə bağlı probleminə rişxənd edənlər anlamalıdır ki, bu onlara çox baha başa gələcək: "Azərbaycan iqtidarı dəqiq, gözəl iş gördü və bütün məqsədlərə eyni vaxtda nail oldu. Əvvəlcə Azərbaycan həmin ərazilərə səfər etməyi planlaşdıranlara qarşı sərtlik, daha sonra Lapşinin vətəndaşı olduğu ölkələrə qarşı hörmətini, son nəticədə isə humanizm göstərdi".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi