Yuxarı
    Bağlamaq

    Rusiya XİN rəhbəri: Biz Dağlıq Qarabağ münaqişəsi üzrə işi davam etdirmək niyyətindəyik

    Biz əsir və girov götürülmüş şəxslərlə bağlı məsələyə ciddi yanaşırıq

    Bakı. 5 dekabr. REPORT.AZ/ ATƏT-in Minsk qrupunun həmsədr ölkələri  Dağlıq Qarabağ münaqişəsinin həlli üzrə işi davam etdirmək niyyətindədir. "Report" xəbər verir ki, bu barədə Rusiyanın xarici işlər naziri Sergey Lavrov Bazeldə keçirilən ATƏT XİNŞ-in 21-ci iclası çərçivəsində keçirilən mətbuat konfransında bəyan edib. 

    "Dağlıq Qarabağ münaqişəsi mürəkkəb və uzun müddətdir davam edən prosesdir. Bu müddət ərzində mövqelər dəyişib və biz bu mövqeləri ümumi məxrəcə gətirməyə çalışırıq", -  S.Lavrov bildirib. 

    O qeyd edib ki, həll ərazi bütövlüyü, güc tətbiqindən çəkinmək və millətlərin öz müqəddəratını təyinetmə hüququna hörmət prinsipləri əsasında tapılmalıdır. 

    "Əminəm ki, bu istiqamətdə işi davam etdirəcəyik", - nazir əlavə edib.

    S.Lavrov Ermənistanda əsir götürülmüş azərbaycanlılarla bağlı məsələni şərh edərkən bildirib: "Əsir və girov götürülmüş şəxslərlə bağlı məsələyə ciddi yanaşmaq lazımdır. Biz bütün əsirlərin azad olunması və ya dəyişdirilməsinin tərəfdarıyıq". 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi