Yuxarı

Rusiya XİN: "Qarabağ münaqişəsi tərəflərini qarşıdurma cəhdlərindən yayınmağa çağırırıq"

Mariya Zaxarova: Rusiya bu vəziyyəti yekun həllə gətirmək üçün fəaldır

Bakı. 26 may. REPORT.AZ/ "Qarabağ münaqişəsi tərəflərini qarşıdurma, vəziyyəti pisləşdirmək cəhdlərindən yayınmağa və problemin sülh yolu ilə həlli üçün ab-hava yaratmağa çağırırıq".

"Report" xəbər verir ki, bunu Rusiya Xarici İşlər Nazirliyinin sözçüsü Mariya Zaxarova həftəlik brifinqdə Azərbaycan və Ermənistan prezidentləri İlham Əliyev və Serj Sarqsyanın Vyanada baş tutan son görüşünü şərh edərkən deyib.

Rusiyanın əldə olunmuş razılaşmaları qorumaq üçün hansı addımlar atmasından danışan M.Zaxarova praktiki addımlar kimi ATƏT-in Minsk qrupu çərçivəsində Azərbaycan və Ermənistan rəhbərliyi ilə əlaqələri qeyd edib: "Biz bu istiqamətdə kifayət qədər fəalıq. Hesab edirəm ki, Rusiya bu vəziyyəti yekun həllə gətirmək üçün fəaldır".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi