Yuxarı
    Bağlamaq

    Rusiya XİN Azərbaycan-Ermənistan qoşunlarının təmas xəttində gərginliyin artmasına münasibət bildirib

    Rəsmi Moskva Azərbyacan və Ermənistanı danışıqları bərpa etməyə çağırıb

    Bakı. 14 oktyabr. REPORT.AZ/ "Moskva Dağlıq Qarabağ münaqişəsində tərəfləri güc tətbiqindən çəkinməyə və kompromisə nail olmaq üçün siyasi iradə göstərməyə çağırır.

    "Report" "RİA Novosti"yə istinadən xəbər verir ki, bunu Rusiya Xarici İşlər Nazirliyinin sözçüsü Mariya Zaxarova bildirib.

    "Təəssüflər olsun ki, münaqişə zonasında vəziyyətin gərginləşməsi, o cümlədən dinc sakinlər də daxil olmaqla qurbanların sayının çoxalması səbəbindən siyasi dialoqun bərpasında çətinlik yaranıb. Biz hesab edirik ki, gərginliyin artması, sadəcə yolverilməzdir", - deyə o, vurğulayıb. 

    Onun sözlərinə görə, Rusiyanın xarici işlər naziri Sergey Lavrov münaqişənin həlli məsələsini xarici ölkələrdən olan həmkarları ilə davamlı olaraq müzakirə edir: "Nyu-Yorkda BMT Baş Assambleyasının 70-ci sessiyası çərçivəsində Sergey Lavrov ATƏT-in Minsk Qrupu həmsədrləri ilə görüş keçirib. Həmin görüşdə münaqişənin tənzimlənməsi məsələsi müzakirə olunub".

    Qeyd edək ki, oktyabrda ATƏT-in Minsk Qrupunun həmsədrləri bölgəyə səfər edəcək. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi