Yuxarı
    Bağlamaq

    Rusiya XİN Dağlıq Qarabağ münaqişəsinin nizamlanması üzrə danışıqların intensivləşdirilməsini zəruri sayır

    Mariya Zaxarova: Tərəfləri atəşkəs rejiminin qorunmasına yönəlmiş sazişə riayət etməyə çağırırıq

    Bakı. 14 yanvar. REPORT.AZ/ "Dünya 2015-ci ildə Azərbaycan-Ermənistan təmas xəttində ağır silah və artilleriyadan istifadə olunmaqla döyüşlərin intensivləşməsinin şahidi olub".

    "Report" xəbər verir ki, bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova Moskvada keçirdiyi brifinqdə Dağlıq Qarabağ münaqişəsinin nizamlanması məsələsinə şərh verərkən deyib.

    "Dinc əhali arasında ölənlərin sayı artıb. Əvvəlki brifinqlərdə də bu barədə danışmışıq. Vəziyyət narahatlıq yaradır", - deyə M.Zaxarova bildirib.

    Onun sözlərinə görə, Dağlıq Qarabağ münaqişəsinin nizamlanması üzrə danışıqların intensivləşdirilməsi zəruridir.

    "Tərəfləri atəşkəs rejiminin qorunmasına yönəlmiş sazişə riayət etməyə çağırırıq", - deyə M.Zaxarova qeyd edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi