Bakı. 16 noyabr. REPORT.AZ/ "Dağlıq Qarabağ münaqişəsinin həllinə dair mövzu Rusiyanın beynəlxalq gündəliyində prioritet məsələdir".
"Report"un verdiyi xəbərə görə, bu barədə Rusiya Xarici İşlər Nazirliyinin mətbuat katibi Mariya Zaxarova ATƏT-in Minsk qrupunun Amerikalı həmsədrinin geri çağrılmasına dair ehtimalları şərh edərkən jurnalistlərə bildirib.
"Bir həmsədr azalsa, format dəyişəcək", - M.Zaxarova deyib.
Onun sözlərinə görə, ABŞ nümayəndəsinin geri çağrılmasının səbəblərinə dair sual birbaşa Dövlət Departamentinə ünvanlanmalıdır.