Qarabağdakı qanunsuz erməni silahlılarının keçmiş başçısına hökm oxunub

Bakı. 28 noyabr. REPORT.AZ/ Azərbaycanın işğal altında saxlanılan Dağlıq Qarabağ bölgəsindəki separatçıların qanunsuz silahlılarının keçmiş başçısı Samvel Babayan 6 il müddətinə azadlıqda məhrum edilib.

“Report” Ermənistan KİV-inə istinadən xəbər verir ki, ona Ermənistan Cinayət Məcəlləsinin uyğun maddələri üzrə ittiham oxunub.

Qeyd edək ki, S.Babayan və daha iki şəxs “İqla” zenit-raket kompleksinin qaçaqmalçılığına görə mühakimə olunub. İstintaq araşdırması nəticəsində məlum olub ki, zenit-raket kompleksini Ermənistana gətirən şəxslər S.Babayanla əlbir olub, onun sifarişi ilə hərəkət ediblər.