Yuxarı
    Bağlamaq

    Partlayış nəticəsində Ermənistan ordusunun üç əsgəri yaralanıb

    Partlayış nəticəsində bir nəfər əsgərin əli amputasiya edilib

    Bakı. 4 iyul. REPORT.AZ/ Hərbi hissədə partlayış nəticəsində Ermənistan ordusunun üç əsgəri yaralanıb. 

    "Report"un xəbərinə görə, sosial şəbəkələrdə Ermənistan ordusunun hərbi hissələrindən birinin işğal olunmuş Cəbrayıl rayonu ərazisindəki poliqonda keçirdiyi taktiki məşğələ zamanı partlayışın baş verməsi barədə məlumat yayılıb.

    İlkin məlumata görə, ehtiyatsızlıq səbəbindən qumbaranın partlaması nəticəsində 3 hərbi qulluqçu müxtəlif dərəcəli qəlpə yaraları alıb.

    Cəbrayıldakı hərbi hospitala qardaşı oğluna baş çəkməyə gələn Qriqoriy V. adlı şəxs hadisə barədə sosial şəbəkələrdə şərh yazıb. Onun sözlərinə görə, partlayış nəticəsində bir nəfər əsgərin əli amputasiya edilib. 

    Digər iki hərbi qulluqçudan biri ağır, o biri isə yüngül qəlpə yaraları alıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi