Paolo Centiloni: "İtaliya Dağlıq Qarabağ münaqişəsinin həlli üçün əlindən gələni edəcək"

Bakı. 7 noyabr. REPORT.AZ/ İtaliya gələn il ATƏT-in sədr ölkəsi və BMT Təhlükəsizlik Şurasının qeyri daimi üzvü kimi Dağlıq Qarabağ münaqişəsinin nizama salınması üçün əlindən gələni edəcək.

"Report"un verdiyi xəbərə görə, bu barədə keçirdiyi brifinq zamanı İtaliyanın xarici işlər naziri Paolo Centiloni deyib.

Onun sözlərinə görə, ATƏT-də sədrlik dövründə İtaliya Avropa məkanında mövcud olan bütün dondurulmuş münaqişələrə xüsusi diqqət ayıracaq: "Dağlıq Qarabağ münaqişəsinə gəldikdə isə, həmsədrlərin işinin gücləndirilməsi üçün səylərimizi əsirgəməyəcəyik".