Yuxarı

​Pakistan Prezidenti Əjdərbəy məscidində olub

Şeyxülislam vurğulayıb ki, Pakistanın Dağlıq Qarabağ münaqişəsində tutduğu mövqe Azərbaycan xalqı tərəfindən yüksək qiymətləndirilir

Bakı. 13 mart. REPORT.AZ/ Pakistan İslam Respublikasının Prezidenti Məmnun Hüseyn martın 13-də Bakıdakı Əjdərbəy məscidində olub. “Report” AZƏRTAC-a istinadən xəbər verir ki, Pakistan dövlətinin başçısı məsciddə Qafqaz Müsəlmanları İdarəsinin (QMİ) sədri şeyxülislam Allahşükür Paşazadə ilə görüşüb.

Allahşükür Paşazadə görüşdə ölkələrimiz və xalqlarımız arasındakı dostluq və qardaşlıq münasibətlərindən danışıb. Qeyd edib ki, Azərbaycan və Pakistan prezidentlərinin dostluq münasibətləri xalqlarımız arasındakı əlaqələrin təzahürüdür.

Şeyxülislam vurğulayıb ki, Pakistanın Ermənistan-Azərbaycan, Dağlıq Qarabağ münaqişəsində tutduğu mövqe xalqımız tərəfindən yüksək qiymətləndirilir.

Prezident Məmnun Hüseyn Azərbaycana səfərindən, keçirdiyi çoxsaylı görüşlərdən, ölkəmizdə müşahidə etdiyi inkişaf prosesindən məmnunluğunu bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi