Yuxarı
    Bağlamaq

    İƏT Nyu-Yorkda Ermənistanın Azərbaycana təcavüzü ilə bağlı ilk iclasını keçirəcək

    Bu Qrupun yaradılması barədə qərar cari ilin aprel ayında İƏT-in 13-cü sammitində qəbul edilib

    Bakı. 19 sentyabr. REPORT.AZ/ İslam Əməkdaşlıq Təşkilatının (İƏT) Kontakt Qrupunun Ermənistanın Azərbaycana təcavüzü ilə bağlı ilk iclası bu həftə Nyu-Yorkda keçiriləcək. 

    "Report" İƏT-in mətbuat xidmətinə istinadən xəbər verir ki, təşkilatın baş katibi İyad Amin Əl-Madani BMT Baş Assambleyasının 71-ci sessiyasında İƏT nümayəndə heyətinə rəhbərlik edir.

    Məlumata görə, sentyabrın 19-dan 23-dək BMT-nin Nyu-Yorkdakı mənzil-qərargahında İƏT Fələstin üzrə Komitənin iclasını, eləcə də qurumun illik koordinasiya toplantısını keçirəcək. Bundan əlavə, İƏT-in Ermənistanın Azərbaycana qarşı təcavüzü, eləcə də Cammu və Kəşmir, Mali, Bosniya və Herseqovina, Somali və Yəmən üzrə Kontakt qruplarının iclası keçiriləcək.

    Qeyd edək ki, İƏT-in Kontakt Qrupunun Ermənistanın Azərbaycana qarşı təcavüzü ilə bağlı iclası ilk dəfə keçiriləcək. Bu Qrupun yaradılması barədə qərar cari ilin aprel ayında İƏT-in 13-cü sammitində qəbul edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi