Yuxarı
    Bağlamaq

    Müdafiə nazirinin müavini: "Aprel döyüşləri düşmən ordusunun bel sütununu sındırdı"

    Bakı. 30 iyun. REPORT.AZ/ "Aprel döyüşləri Ermənistan ordusuna böyük zərbə vurdu və düşmənin bel sütununu sındırdı".

    "Report" xəbər verir ki, bunu Azərbaycan müdafiə nazirinin şəxsi heyət üzrə müavini - Şəxsi Heyət Baş İdarəsinin rəisi general-leytenant Kərim Vəliyev deyib.

    Onun sözlərinə görə, Ermənistan rəhbərliyi əvvəlcə bunu etiraf etmək istəməsə də, sonrakı dövrdə təsdiqləməyə məcbur olub: "Ermənistanın hərbi siyasi rəhbərliyi Aprel döyüşlərində məğlub olmalarını qəbul etmək istəməyiblər. Amma özlərinin hərəkətləri bunun tamamilə əksini göstərir. Əgər Ermənistan Aprel döyüşlərində məğlub olmamışdısa, hərbi rəhbərlik niyə dəyişdi?"

    K.Vəliyev bildirib ki, Ermənistanın müdafiə nazirinin keçmiş müavini Manvel Qriqoryanın həbs edilməsi və ortaya çıxan faktlar düşmən ordusundakı biabırçı vəziyyəti bir daha hamıya nümayiş etdirdi: "Ermənilər “Yerkrapa” könüllülər birliyi ilə bağlı mif yaratmışdılar. Son hadisələr bu mifi tamamilə dağıtdı. Orada heç vaxt vətənpərvərlər toplaşmayıb".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi