Bakı. 26 aprel. REPORT.AZ/ "Kollektiv Təhlükəsizlik Müqaviləsi Təşkilatı (KTMT) Dağlıq Qarabağ münaqişəsi zonasında qoşunların təmas xəttindəki vəziyyəti izləyir".
"Report" xəbər verir ki, bunu "The Friends of Europe" beyin mərkəzinin təşkil etdiyi "Security Jam" onlayn-müzakirələr zamanı Rusiya Xarici İşlər Nazirliyinin sözçüsü Mariya Zaxarova deyib.
Onun sözlərinə görə, KTMT atəşkəs rejimini qorumaq üçün görülən tədbirləri dəstəkləyir və hamını ATƏT-in Minsk qrupunun səylərini dəstəkləməyə çağırır.
XİN nümayəndəsi tərəfləri münaqişənin siyasi yolla həllindəki irəliləyişi sarsıda biləcək addımlardan yayınmağa çağırıb.