Yuxarı
    Bağlamaq

    Malena Mard: "Aİ təmas xəttindəki vəziyyəti yaxından izləyir"

    Səfir: Biz ATƏT-in Minsk qrupu çərçivəsində sülh danışıqlarının keçiriləcəyinə ümid edirik

    Bakı. 5 may. REPORT.AZ/ "Avropa İttifaqı Dağlıq Qarabağ münaqişəsi zonasında təmas xəttindəki vəziyyəti yaxından izləyir".

    "Report" xəbər verir ki, bunu jurnalistlərə açıqlamasında Avropa İttifaqının Azərbaycandakı nümayəndəliyinin rəhbəri Malena Mard deyib.

    O, Aİ-nin ali nümayəndəsi Federika Mogerininin Dağlıq Qarabağ münaqişəsində status-kvo davamlı olmaması ilə bağlı bəyanatını xatırladıb. "Əlbəttə, sülhün bərqarar olacağına və ATƏT-in Minsk qrupu çərçivəsində sülh danışıqlarının keçiriləcəyinə ümid edirik. Aİ ATƏT-in Minsk qrupunun səylərini dəstəkləyir", - deyə M.Mard bildirib.

    Xanım Mard Aİ-nin yüksək səviyyəli şəxslərinin Azərbaycana səfərlərini xatırladaraq, bunun Aİ-nin Cənubi Qafqaz regionuna göstərdiyi diqqətin əlaməti olduğunu qeyd edib.

    M.Mard mayın 18-də Bakıda Azərbaycan-Avropa İttifaqı biznes forumunun keçiriləcəyini də əlavə edib. O, bunun da Aİ-nin Azərbaycandakı işə marağının göstəricisi olduğunu vurğulayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi