Yuxarı
    Bağlamaq

    Maksim Şevçenko: “Ermənilərin Azərbaycan tərəfə atdığı mərmilər Ərdoğana istiqamətlənmiş atəşlərdir”

    “Təmas xəttində gərginliyin artmasında günahkar Ermənistandır”

    Moskva. 6 mart. REPORT.AZ/ "Fevralın əvvəlində təmas xəttində yaşanan hadisələrdə Ermənistanın 2016-cı ilin aprel müharibəsindən sonra qisas almaq hissi böyük rol oynayıb".

    Bunu "Report"un Moskva müxbirinə açıqlamasında Rusiya Federasiyasının Prezidenti yanında vətəndaş cəmiyyəti və insan hüquqlarının inkişafı Şurasının üzvü, politoloq Maksim Şevçenko bildirib.

    "Fevralda təmas xəttində gərginliyin artmasında günahkar ilk növbədə, Ermənistandır və onlar bunu praktiki olaraq inkar etmirlər", - deyə, M.Şevçenko vurğulayıb.

    Onun fikrincə, münaqişənin yenidən alovlanmasının səbəblərindən biri ultrasağçı avropalı "müşahidəçilər"in iştirakı ilə Qarabağda qondarma referendumun keçirilməsidir.

    Şura üzvü ikinci səbəb kimi Ermənistanda 2016-cı ilin aprel müharibəsindən sonra qisas almaq hissinin olmasını göstərib.

    Ekspert Ermənistanın əsas düşməninin Azərbaycan yox, Türkiyə olduğunu bildirib: "Onlarla tarixi münaqişə erməni ictimaiyyətinə elə təlqin edilir ki, bu, indi milli özünüdərkin amillərindən birinə çevrilib. Azərbaycan ermənilər tərəfindən Türkiyənin müttəfiqi kimi qəbul edildiyindən, Azərbaycana atılan mərmilər ümumilikdə Ərdoğana istiqamətlənmiş atəşlərdir", - politoloq hesab edir.

    M.Şevçenko bildirib ki, Qarabağ münaqişəsində Moskvanın balans siyasəti, ola bilsin, strateji baxımdan düz deyil, amma bu siyasətin Rusiya üçün zəruri balansı təmin etməsi baxımından özünü doğruldur.

    "Hesab edirəm ki, Minsk qrupu artıq tükənib, ilk növbədə də ABŞ-ın mövqeyinə görə. Amerikalılar Qafqazda sülhün olmasında qətiyyən maraqlı deyillər. Məncə, yalnız Rusiya, Türkiyə və İranın birliyi regiona, o cümlədən Qarabağ münaqişəsi zonasına davamlı sülh gətirə bilər", - Şura üzvü əlavə edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi