Sergey ​Lavrov: "Dağlıq Qarabağ münaqişəsinin qaynar mərhələyə keçməsini heç kim istəmir"

Bakı.8 aprel. REPORT.AZ/ "Qarabağdakı münaqişənin yenidən alovlanmasını heç kim nəinki istəmir, hətta bu haqda fikirləşməyin belə yolverilməzliyini anlayır".

"Report" "TASS"a istinadən xəbər verir ki, bu barədə Rusiyanın xarici işlər naziri Sergey Lavrov erməni həmkarı ilə baş tutan danışıqlar yekunlaşdıqdan sonra bildirib.

"Mən əminəm ki, bəlağətli çıxışlara baxmayaraq, maraqlı tərəflərin heç biri bunu istəmir", - o əlavə edib.

Rusiya XİN rəhbəri bildirib ki, bütün fəaliyyət tərəfləri qane edən qərarın tezliklə qəbul edilməsinə yönəlib: "Rusiya Dağlıq Qarabağ münaqişəsinin tənzimlənməsi üçün şəraitin yaradılması istiqamətində səylərini davam etdirəcək. Bu, Ermənistan və Azərbaycanı qane edəcək əsasda olmalıdır. Biz Cənubi Qafqazdakı şəraiti, o cümlədən Dağlıq Qarabağ probleminin tənzimlənməsi ilə bağlı vəziyyəti dəyərləndirərək fikir mübadiləsi apardıq".

Edvard Nalbandyan öz növbəsində qeyd edb ki, Dağlıq Qarabağ münaqişəsinin dinc yolla həllinə alternativ mövcud deyil.