Bakı. 13 noyabr. REPORT.AZ/ "Azərbaycan-Ermənistan qoşunlarının təmas xəttində insident regionda vəziyyətin gərginləşməsinə şərait yaradır". "Report" xəbər verir ki, bu barədə Kollektiv Təhlükəsizlik Müqaviləsi Təşkilatı (KTMT) baş katibinin bəyanatında deyilir.
Nikolay Bordyuja noyabr ayının 12-də təmas xəttində Ermənistan helikopterinin vurulması xəbəri ilə bağlı narahatlığını bildirib.
"Bu il ərzində Azərbaycan və Qarabağ qoşunlarının təmas xəttində, eləcə də Azərbaycan-Ermənistan sərhədində mütəmadi olaraq silahlı insidentlər baş verib. Yay ayları ərzində atəşkəs rejimi 1500 dəfə pozulub" , - deyə N.Bordyujanın bəyanatında qeyd olunub.
Onun fikrincə, münaqişənin gərginləşmə təhlükəsi yaranıb.
"Cənubi Qafqazda vəziyyət kəskinləşir", - deyə o vurğulayıb.
"Dağlıq Qarabağ münaqişəsinin həlli üzrə danışıqlar prosesinin davamını təmin etmək vacibdir", - deyə KTMT baş katibi vurğulayıb.