Yuxarı
    Bağlamaq

    İran və Ermənistanın müdafiə nazirləri Qarabağ problemini müzakirə ediblər

    Müzakirə erməni nazir Vigen Sarqsyanın Tehrana səfəri zamanı baş tutub

    Bakı. 1 fevral. REPORT.AZ/ İran və Ermənistanın müdafiə nazirləri Hüseyn Dehqan və Vigen Sarqsyan Dağlıq Qarabağ münaqişəsinin nizamlanması məsələsini müzakirə ediblər.

    "Report" xəbər verir ki, bu barədə "Iran Daily" nəşrinin məlumatında bildirilir.

    Qeyd olunur ki, müzakirələr erməni nazirin Tehrana rəsmi səfəri çərçivəsində baş tutub.

    "Dağlıq Qarabağ münaqişəsinə toxunan tərəflər regionda sülh və stabilliyin qorunub saxlanması üzrə səylərin mühümlüyünü, həmçinin münaqişənin hərbi həlli yolunun olmadığını vurğulayıblar", - deyə məlumatda bildirilir.

    O cümlədən, erməni nazir İranın regionda gərginlik və böhranların aradan qaldırılması üçün göstərdiyi səyləri və Dağlıq Qarabağ münaqişəsinin nizamlanması məsələsində oynadığı rolu alqışlayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi