Yuxarı

İran Azərbaycan və Ermənistanı təmkinli olmağa çağırıb

Tehran Bakı və İrəvanı vəziyyəti gərginləşdirməkdən imtina etməyə çağırıb

Bakı. 3 aprel. REPORT.AZ/ İran Dağlıq Qarabağ münaqişəsi zonasında yaranmış vəziyyətdən narahatdır və Azərbaycan və Ermənistanı təmkinli olmağa çağırıb.

"Report" xəbər verir ki, bu barədə İran Xarici İşlər Nazirliyinin mətbuat katibi Hüseyn Cabiri Ənsarinin bəyanatında deyilir.

"İki şimal qonşumuzu təmkinli olmağa, vəziyyəti gərginləşdirməkdən imtina etməyə çağırırıq. Regionda radikal qrupların yaratdığı dağıntıların şahidi kimi, Dağlıq Qarabağda Ermənistan və Azərbaycan arasındakı toqquşmalardan bərk narahatlıq keçiririk", - deyə mətbuat katibinin bəyanatında bildirilir.

Aprelin 2-nə keçən gecə təmas xəttində vəziyyət yenidən kəskinləşib. Rəsmi məlumatlara görə, döyüşlər zamanı Azərbaycan tərəfi 12 şəhid veribsə, Ermənistanın 18 hərbçisi ölüb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi