Yuxarı
    Bağlamaq

    İƏT baş katibi Azərbaycanın işğal olunmuş ərazilərində qondarma "seçkilərin" keçirilməsini pisləyib

    Bu seçkilər qanunsuzdur və BMT Təhlükəsizlik Şurası, İƏT və ATƏT qətnamələrinə ziddir

    Bakı. 23 aprel. REPORT.AZ/ İslam Əməkdaşlığı Təşkilatının (İƏT) baş katibi İyad bin Amin Mədəni mayın 3-də Azərbaycanın işğal altında olan ərazisi - Dağlıq Qarabağda keçiriləcək qondarma "seçkiləri" pisləyib. "Report" İƏT mətbuat xidmətinə istinadən xəbər verir ki, İ.A.Mədəni bu "seçkilərin" qanunsuz olduğunu və BMT Təhlükəsizlik Şurası, İslam Əməkdaşlığı Təşkilatı və Avropada Təhlükəsizlik və Əməkdaşlıq Təşkilatının (ATƏT) qətnamələrinə zidd olduğunu qeyd edib.

    İƏT baş katibi beynəlxalq ictimaiyyəti bu qanunsuz seçkiləri qınamağa çağırıb. 

    İ.A.Mədəni Azərbaycanın müvafiq beynəlxalq qətnamələr çərçivəsində və dövlətlərin ərazi bütövlüyü, həmçinin beynəlxalq ictimaiyyət tərəfindən tanınan sərhədlərin pozulmaması prinsiplərinə hörmət əsasında  ərazi bütövlüyünü təmin etmək üçün münaqişənin sülh yolu ilə həllinə dair səylərini dəstəkləyən İƏT-in dəyişməz və prinsipial mövqeyini bildirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi