Yuxarı
    Bağlamaq

    Herbert Zalber: "Məcburi köçkünlərin əsas arzusu öz evlərinə qayıtmaqdır"

    İndi bu məsələ barədə daha çox anlayışım var

    Bərdə. 27 oktyabr. REPORT.AZ/ "Bərdədə məcburi köçkünlər üçün çox yaxşı şərait yaradılıb".

    "Report" xəbər verir ki, bunu Avropa İttifaqının Cənubi Qafqaz və Gürcüstan böhranı üzrə xüsusi nümayəndəsi Herbert Zalber Azərbaycan hökuməti tərəfindən Bərdədə məcburi köçkünlər üçün salınmış düşərgəyə baş çəkdikdən sonra jurnalistlərə açıqlamasında deyib.

    O, yaradılmış şəraitlə tanış olduğunu və orada yaşayan insanlarla söhbət etdiyini bildirib.

    "İnsanlarla söhbət edərək regionda güclü gərginlik olduğunu başa düşürəm. Mənə belə imkan yaradıldığına görə şadam. Məcburi köçkünlərin burada necə yaşadığını gözərimlə gördüm. Min dəfə eşitməkdənsə, bir dəfə görmək yaxşıdır. İndi bu məsələ barədə daha çox anlayışım var" - H.Zalber vurğulayıb.

    Xüsusi nümayəndə düşərgədə məcburi köçkünlər üçün hər cür şərait yaradıldığını söyləyib: "Amma yaxşı başa düşürəm ki, bu insanlar didərgin olduqları səbəblə bağlı qərarlar gözləyirlər. Onların əsas arzusu öz evlərinə qayıtmaqdır".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi