Yuxarı

Fransa səfiri: “Qarabağ münaqişəsinin həlli üçün danışıqlar prosesi davam etdirilməlidir”

Aureliya Buşez: Fransa ATƏT-in Minsk qrupunun həmsədri olaraq, Sankt-Peterburq görüşünün nəticələrini alqışlayır

Bakı. 21 iyun. REPORT.AZ/ “Dağlıq Qarabağ münaqişəsinin həlli üçün danışıqlar prosesi davam etdirilməlidir”.

“Report”un məlumatına görə, bunu Fransanın Azərbaycandakı səfiri Aureliya Buşez jurnalistlərə açıqlamasında bildirib.

Onun sözlərinə görə, Fransa ATƏT-in Minsk qrupunun həmsədri olaraq, iyunun 20-də Sankt-Peterburqda Rusiya, Azərbaycan və Ermənistan prezidentləri arasında keçirilmiş üçtərəfli görüşün nəticələrini alqışlayır: “Çünki Sankt-Peterburq görüşü bu il Vyana şəhərində Azərbaycan və Ermənistan prezidentləri arasında başlanmış dialoqun inkişaf etdirilməsinə töfhə verir. Biz hesab edirik ki, səmimi və müntəzəm dialoq Dağlıq Qarabağ münaqişəsinin sülh yolu ilə həllinə ən yaxşı vasitədir. ATƏT-in Minsk qrupunun həmsədrləri də münaqişə tərəfləri arasında vasitəçi olaraq öz öhdəliklərini yerinə yetirməyə, həmçinin etimad mühitini yaratmağa və dialoqa dəstək verməyə hazırdırlar”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi