Yuxarı
    Bağlamaq

    Fransa prezidenti: "Dağlıq Qarabağ münaqişəsinin həllini tapmaq olduqca vacibdir"

    Fransa Rusiya və ABŞ-la birgə Qarabağ münaqişəsinin həllinə yardım etməyə hazırdır

    Bakı. 23 yanvar. REPORT.AZ/ Ermənistan-Azərbaycan, Dağlıq Qarabağ münaqişəsinin həllini tapmaq olduqca vacibdir.

    “Report” xəbər verir ki, bunu Fransa prezidenti Emanuel Makron erməni həmkarı ilə görüşdən sonra jurnalistlərə deyib.

    Makron bildirib ki, Fransa Rusiya və ABŞ-la birgə Qarabağ münaqişəsinin həllinə yardım etməyə hazırdır:

    "Fransa tərəflər arasında mübahisədə qərəzsiz vasitəçi missiyasına sadiqdir. Biz rusiyalı və amerikalı tərəfdaşlarımız ilə birgə bu münaqişənin həllinə yardım edə biləcək istənilən təşəbbüsə getməyə hazırıq".

    "Mən bilirəm ki, sülhün təbliği son dərəcə çətindir və arzu edirəm ki, görüşlər konkret nəticə versin", - deyə Fransa prezidenti əlavə edib.

    Makron Azərbaycan və Ermənistan prezidetləri arasında Cenevrə görüşü, həmçinin bu yaxınlarda Krakovda xarici işər nazirləri səviyyəsində görüşün əhəmiyyətini vurğulayıb.

    Fransa lideri bu görüşü müsbət kimi xarakterizə edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi