Yuxarı

Estoniya prezidenti: "Rusiyanın təcavüzü və Qarabağda "dondurulmuş" münaqişə davam edir"

BMT beynəlxalq hüquq normalarına riayət olunmasını təmin etməlidir

Bakı. 22 sentyabr. REPORT.AZ/ "Dövlət sərhədlərinin toxunulmazlıq prinsipi və bunda gücdən istifadə qadağası BMT nizamnaməsinin mərkəzində durur. Bu prinsip Rusiya tərəfindən kobud şəkildə pozuldu, amma Birləşmiş Millətlər Təşkilatı bununla əlaqədar heç bir tədbir görmədi".

"Report" xəbər verir ki, bu bəyanatla BMT Baş Assambleyasının 71-ci sessiyasında çıxışı zamanı Estoniya prezidenti Toomas Hendrik İlves çıxış edib.

"Rusiyanın Ukraynaya qarşı təcavüzü davam edir. Ukrayna və Gürcüstanın əraziləri hələ də xarici qüvvələrin işğalı altındadır. Dağlıq Qarabağ və Dnestryanıda "dondurulmuş" münaqişələr davam edir", - deyə o bildirib.

Toomas Hendrik İlves beynəlxalq hüquq normalarına riayət olunmasını təmin etməyə imkan verəcək mexanizmlər yaradılmasınının zəruri olduğunu qeyd edib. O hesab edir ki, BMT bu istiqamətdə işə başlamazsa, öz aktuallığını itirəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi