Yuxarı
    Bağlamaq

    Ermənilərin kəşfiyyat-təxribat qruplarının basqın cəhdlərinin qarşısı alınıb, düşmən 7 nəfər itki verib

    Azərbaycan Silahlı Qüvvələri heç bir itki verməyib, əməliyyat şəraiti bölmələrimizin tam nəzarəti altındadır

    Bakı. 12 fevral. REPORT.AZ/ Cəbhədə düşmənin kəşfiyyat-təxribat qruplarının basqın cəhdlərinin qarşısı alınıb. 

    Bu barədə "Report"a Müdafiə Nazirliyinin mətbuat xidmətindən məlumat verilib.

    Nazirlikdən bildirilib ki, fevralın 12-nə keçən gecə Ermənistan Silahlı Qüvvələrinin kəşfiyyat-təxribat qrupları qoşunların təmas xəttinin müxtəlif yerlərində Azərbaycan ordusunun mövqelərinə basqın etməyə cəhd göstəriblər.

    Azərbaycan Silahlı Qüvvələrinin bölmələrinin əvvəlcədən düşməni aşkar etməsi, görülən qabaqlayıcı tədbirlər və qarşı tərəfə vurulan atəş nəticəsində işğalçılar geri çəkilməyə məcbur edilib. İlkin ehtimala görə, düşmən 5-7 nəfər itki verib.

    Azərbaycan Silahlı Qüvvələri heç bir itki verməyib, əməliyyat şəraiti bölmələrimizin tam nəzarəti altındadır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi