Yuxarı

​Ermənistan ordusunun bir hərbçisi zərərsizləşdirilib

Düşmən Xocavənd istiqamətində təxribata əl atıb

Bakı. 1 May. REPORT.AZ/ Ermənistan silahlı qüvvələri aprelin 30-dan mayın 1-nə keçən gecə təmas xəttində növbəti təxribata əl ataraq Azərbaycan Silahlı Qüvvələrinin mövqelərini atəşə tutublar. Atəşkəsin pozulması zamanı düşmən tərəfi 1 canlı qüvvəsini itirib. Bu, 1991-ci il təvəllüdlü hərbçi Aşot Şavarşeviç Zohrabyandır.

"Report" erməni KİV-nə istinadən xəbər verir ki, bu barədə Ermənistanın Müdafiə Nazirliyi məlumat yayıb.

Düşmən əsgəri gecə saatlarında Xocavənd istiqamətində gedən döyüşlər zamanı zərərsizləşdirilib.

Bundan əvvəl Azərbaycanın Müdafiə Nazirliyi erməni silahlı bölmələrinin cəbhənin müxtəlif istiqamətlərində 60 millimetrlik minaatanlardan da istifadə etməklə sutka ərzində atəşkəs rejimini ümumilikdə 112 dəfə pozması barədə məlumat yayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi