Yuxarı
    Bağlamaq

    Ermənistan ordusunun Baş Qərargah rəisi Aprel döyüşlərində işğal altında olan ərazilərin bir qismini itirdiklərini etiraf edib

    Movses Akobyan hazırda həmin torpaqların yenidən işğal edilməsinin məqsədəuyğun olmadığını bildirib

    Bakı. 20 dekabr. REPORT.AZ/ Ermənistan silahlı qüvvələrinin Baş Qərargah rəisi Movses Akobyan 2016-cı ildə baş tutan Aprel döyüşlərində işğal etdikləri ərazilərin bir qismini itirdiklərini etiraf edib.

    “Report” xəbər verir ki, erməni hərbçi bunu "Joxovurd" qəzetinə müsahibəsində deyib.

    Movses Akobyan hazırda həmin torpaqların yenidən işğal edilməsinin məqsədəuyğun olmadığını bildirib:

    "Bu gün əsgərlərin həyatı və vəziyyətin gərginləşməsi bahasına "kiçik" tapşırıqları yerinə yetirmək məqsədəuyğun deyil", - deyə o əlavə edib.

    M.Akobyanın sözlərinə görə, elə düşünmək lazım deyil ki, Azərbaycanın Qarabağı geri qaytarmaq istəyi yoxdur, onlar Qarabağı da, Zəngəzuru da, zaman-zaman İrəvanı da geri qaytarmaq niyyətindədirlər.

    2016-cı il aprelin 1-dən 2-nə keçən gecədən başlayaraq 4 gün davam edən döyüşlər nəticəsində, Tərtər rayonunun Talış kəndi ətrafındakı yüksəkliklər və Seysulan kəndi, Cəbrayıl rayonunun Lələ təpə yüksəkliyi və Cocuq Mərcanlı, Goranboy rayonunun Gülüstan kəndi və Tərtər rayonunun Madaqiz kəndi istiqamətində yollar düşməndən azad edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi