Bakı. 19 iyul. REPORT.AZ/ Ermənilər işğal altındaki Azərbaycan ərazilərində yanğınlar törətməkdə davam edirlər.
Yerli sakinlərin "Report"a verdiyi məlumata görə, bu gün yanğınlar Füzuli rayonunun işğal altında yerləşən Əbdülrəhmanlı kəndi ərazisində qeydə alınıb.
Qısa müddətdə geniş əraziyə yayılan yanğını uzaqdan aydın müşahidə etmək mümkün olub. Alov təmas xəttini keçərək ordumuzun nəzarəti altında olan ərazilərə də keçib.