Elmar Məmmədyarov Ermənistan XİN başçısı ilə sentyabrda görüşəcək

Bakı. 9 avqust. REPORT.AZ/ Azərbaycan və Ermənistan xarici işlər nazirləri Elmar Məmmədyarov ilə Edvard Nalbandyan sentyabrın ikinci yarısında Nyu-Yorkda görüşəcəklər.

"Report" Ermənistan KİV-inə istinadən xəbər verir ki, bu barədə Ermənistan XİN başçısı E.Nalbandyan məlumat verib.

Onun sözlərinə görə, görüşün gündəliyinə Dağlıq Qarabağ münaqişəsinin nizamlanması ilə bağlı danışıqlar prosesində irəliləyişə nail olunması məsələsi daxil edilib.